ടച്ച്-എനേബിൾഡ് ഇൻസ്ട്രുമെന്റ് ക്ലസ്റ്ററും സൂപ്പർ-മാറ്റ്, ഡ്യുവൽ-ടോൺ ഫിനിഷുള്ള പുതിയ ടെറാക്കോട്ട റെക് കളറുമായി 2025 ഏഥർ റിസ്റ്റ ഇസഡ് ഇലക്ട്രിക് സ്‍കൂട്ടർ അവതരിപ്പിച്ചു. നിലവിലുള്ള റിസ്റ്റ ഉടമകൾക്ക് ഉടൻ തന്നെ ഒരു പൂർണ്ണ ടച്ച്‌സ്‌ക്രീൻ പ്രവർത്തനം പ്രാപ്തമാക്കുന്ന ഒരു ഒടിഎ (ഓവർ-ദി-എയർ) അപ്‌ഡേറ്റ് ലഭിക്കുമെന്നും കമ്പനി പ്രഖ്യാപിച്ചു. സ്‍കൂട്ടറിൽ ഇതിനകം ഇൻസ്റ്റാൾ ചെയ്തിട്ടുള്ള നൂതന ഹാർഡ്‌വെയർ കാരണം ഈ അപ്‌ഗ്രേഡ് സാധ്യമാണ്. വരും ആഴ്ചകളിൽ പുറത്തിറങ്ങാനിരിക്കുന്ന അപ്‌ഡേറ്റ് ചെയ്ത ഇക്കോ മോഡ് ആക്ടീവാക്കും.
മെക്കാനിക്കലായി, 2025 ആതർ റിസ്റ്റ ഇസെഡ് മാറ്റമില്ലാതെ തുടരുന്നു. 2.7kWh, 2.9kWh, 3.7kWh ബാറ്ററി പായ്ക്കുകളുമായി ഇത് തുടരുന്നു, 123km മുതൽ 159km വരെ ഐഡിസി റേഞ്ച് നൽകുന്നു. Z ട്രിമ്മിൽ 4.3kW ഇലക്ട്രിക് മോട്ടോർ ഉണ്ട്, ഇത് പരമാവധി 22Nm ടോർക്ക് ഉത്പാദിപ്പിക്കുന്നു. ഇത് 4.7 സെക്കൻഡിനുള്ളിൽ പൂജ്യം മുതൽ 40kmph വരെ വേഗത കൈവരിക്കുന്നു. കൂടാതെ 80kmph പരമാവധി വേഗത വാഗ്ദാനം ചെയ്യുന്നു. ഇലക്ട്രിക് സ്‍കൂട്ടർ സിപ്പ്, സ്‍മാർട്ട് ഇക്കോ എന്നിങ്ങനെ രണ്ട് റൈഡിംഗ് മോഡുകൾ വാഗ്ദാനം ചെയ്യുന്നു.
ട്രാക്ഷൻ കൺട്രോൾ സിസ്റ്റം വാഗ്ദാനം ചെയ്യുന്ന ഇന്ത്യയിലെ ആദ്യത്തെ ഇലക്ട്രിക് സ്‍കൂട്ടറാണ് ആതർ റിസ്റ്റ. ‘ഡീപ് വ്യൂ’ എൽസിഡി ഡാഷ്, ഗൂഗിൾ മാപ്സ് നാവിഗേഷൻ, മാജിക് ട്വിസ്റ്റ്, ഹിൽ ഹോൾഡ് തുടങ്ങിയ സവിശേഷതകളും ഇതിൽ ലഭ്യമാണ്. 34 ലിറ്റർ സീറ്റിനടിയിലെ സ്റ്റോറേജ് സ്പേസും 22 ലിറ്റർ ഫ്രങ്ക് സ്റ്റോറേജുമുള്ള റിസ്റ്റ, 56 ലിറ്റർ എന്ന ക്ലാസ്-ലീഡിംഗ് ടോട്ടൽ സ്റ്റോറേജ് കപ്പാസിറ്റി വാഗ്ദാനം ചെയ്യുന്നു.