മൂന്നാമത്തെ ബലാത്സംഗ കേസുമായി ബന്ധപ്പെട്ട് റിമാൻഡിൽ കഴിയുന്ന രാഹുൽ മാങ്കൂട്ടത്തിൽ എംഎൽഎ ജാമ്യം തേടി പത്തനംതിട്ട ജില്ലാ സെഷൻസ് കോടതിയെ സമീപിച്ചതായി റിപ്പോർട്ട്. ജാമ്യാപേക്ഷ കോടതി സ്വീകരിച്ചിട്ടുണ്ടെന്നും ഹർജി നാളെ പരിഗണിക്കുമെന്നും ആണ് ലഭിക്കുന്ന വിവരം.
ഇതിനു മുൻപ് തിരുവല്ല മജിസ്ട്രേറ്റ് കോടതി രാഹുലിന്റെ ജാമ്യാവശ്യത്തെ തള്ളിയിരുന്നു. പ്രതിഭാഗം ഉന്നയിച്ച എല്ലാ വാദങ്ങളും അംഗീകരിക്കാനാകില്ലെന്ന നിലപാടിലാണ് മജിസ്ട്രേറ്റ് കോടതി ജാമ്യം നിഷേധിച്ചത്. ജില്ലാ സെഷൻസ് കോടതിയിൽ ജാമ്യാപേക്ഷ പരിഗണിക്കുമ്പോൾ പൊലീസ് സമർപ്പിക്കുന്ന റിപ്പോർട്ടിന് പിന്നാലെ വിശദമായ വാദം നടക്കുമെന്നാണ് വിവരം.
