നിയമസഭാ തെരഞ്ഞെടുപ്പിന് മുൻപ് വിസ്മയങ്ങൾ സംഭവിക്കുമെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞതിനെ പരിഹസിച്ച് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ മാസ്റ്റർ രംഗത്തെത്തി. നൂറിലധികം സീറ്റുകൾ നേടുമെന്ന അവകാശവാദം “പണ്ട് ബോംബ് പൊട്ടുമെന്ന് പറഞ്ഞിട്ട് ഒന്നും സംഭവിച്ചില്ലല്ലോ, അതുപോലെ നൂറും പൊട്ടും” എന്നായിരുന്നു പരിഹാസം.
തെരഞ്ഞെടുപ്പിൽ ഒരു വിസ്മയവും ഉണ്ടാകില്ലെന്നും ഇടതുപക്ഷ മുന്നണി നല്ല ഭൂരിപക്ഷത്തോടെ മൂന്നാം തവണയും അധികാരത്തിലെത്തുമെന്നും ഗോവിന്ദൻ മാസ്റ്റർ പറഞ്ഞു. ആൻ്റണി രാജുവിന്റെ അയോഗ്യത എൽഡിഎഫിന് തിരിച്ചടിയല്ലെന്നും, പതിറ്റാണ്ടുകൾക്ക് മുൻപുള്ള കേസിന്റെ വിധിയാണ് ഇപ്പോൾ വന്നതെന്നും അദ്ദേഹം കൂട്ടിച്ചേർത്തു.
