പ്രതിപക്ഷ ഭരണത്തിലുള്ള സംസ്ഥാനങ്ങളിനെ ലക്ഷ്യമിട്ട് എൻഫോഴ്സ്മെന്റ് ഡയറക്ടറേറ്റ് (ഇഡി) നടത്തുന്ന നടപടികളെ അടിയന്തരമായി സഭയിൽ ചർച്ച ചെയ്യണമെന്നാവശ്യപ്പെട്ട് ചട്ടം 267 പ്രകാരം ഡോ. വി. ശിവദാസൻ എംപി നോട്ടീസ് നൽകി. ഭരണ സംവിധാനങ്ങളെ തടസ്സപ്പെടുത്തുകയും ഭീഷണിയുടെ അന്തരീക്ഷം സൃഷ്ടിക്കുകയുമാണ് കേന്ദ്ര ഏജൻസികൾ നടത്തുന്ന കുതന്ത്രങ്ങളെന്ന് അദ്ദേഹം ആരോപിച്ചു.
തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് മുന്നോടിയായി കേരള മുഖ്യമന്ത്രി പിണറായി വിജയന് ലഭിച്ച പുതിയ നോട്ടീസ് ഫെഡറലിസത്തിന്റെയും ഭരണഘടനാപരമായ ധാർമികതയുടെയും ലംഘനമാണെന്നും എംപി ചൂണ്ടിക്കാട്ടി. സംസ്ഥാന സർക്കാരുകളുടെ പ്രവർത്തനങ്ങളിൽ നടക്കുന്ന ഈ കടന്നുകയറ്റം വിശദമായി ചർച്ച ചെയ്യുന്നതിനായി സഭയുടെ സാധാരണ നടപടികൾ നിർത്തിവെക്കണം എന്നും അദ്ദേഹം ആവശ്യപ്പെട്ടു.
മസാല ബോണ്ട് ഇടപാടുമായി ബന്ധപ്പെട്ട് കഴിഞ്ഞ ദിവസമാണ് മുഖ്യമന്ത്രി പിണറായി വിജയന്കും മുൻ മന്ത്രി തോമസ് ഐസക്കും ഇഡി നോട്ടീസ് അയച്ചത്.
