പാലക്കാട് എം.എൽ.എ രാഹുൽ മാങ്കൂട്ടത്തിലെ കുന്നത്തൂർ മേട്ടിലെ ഫ്ലാറ്റിൽ പ്രത്യേക അന്വേഷണ സംഘം പ്രാഥമിക പരിശോധന പൂർത്തിയാക്കിയതായി റിപ്പോർട്ടുകൾ പറയുന്നു. സുരക്ഷാ ജീവനക്കാരുടെ മൊഴിയും സംഘം രേഖപ്പെടുത്തിയിട്ടുണ്ട് എന്നാണ് ലഭിക്കുന്ന വിവരം.
രാഹുലിനെതിരെ കൂടുതൽ തെളിവുകൾ ശേഖരിക്കുന്നതിനായി കഴിഞ്ഞ രാത്രിയോടെ തന്നെ അന്വേഷണം സംഘം പാലക്കാട്ടിലെത്തിയതായും വൃത്തങ്ങൾ സൂചിപ്പിക്കുന്നു. പരിശോധന കഴിഞ്ഞ സംഘം ഇപ്പോൾ പാലക്കാട് ജില്ലാ ക്രൈംബ്രാഞ്ച് ആസ്ഥാനത്ത് എത്തിയിട്ടുണ്ട്.
അവിടെ ജില്ലാ ഉദ്യോഗസ്ഥരുമായി ചേർന്ന് ആഭ്യന്തര ചര്‍ച്ചകള്‍ നടക്കുകയാണ് എന്നാണ് വിവരം. ഇതോടൊപ്പം, ബലാത്സംഗ കേസില്‍ ഒളിവില്‍ കഴിയുന്ന രാഹുൽ മാങ്കൂട്ടത്തിലിനെ അറസ്റ്റ് ചെയ്യാനുള്ള നടപടികൾ പൊലീസ് ആരംഭിച്ചിട്ടുണ്ടെന്നും അടുത്ത വൃത്തങ്ങൾ അറിയിച്ചു.
