തിരുവനന്തപുരം കോർപ്പറേഷൻ സ്റ്റാൻഡിങ് കമ്മിറ്റി തെരഞ്ഞെടുപ്പിൽ ബിജെപി കൗൺസിലർ ആർ. ശ്രീലേഖയുടെ വോട്ട് അസാധുവായി. നഗരാസൂത്രണ സ്റ്റാൻഡിങ് കമ്മിറ്റിയിലേക്കുള്ള വോട്ടെടുപ്പിനിടെയുണ്ടായ നടപടിപിഴവാണ് ഇതിന് കാരണം.
ആകെ എട്ട് സ്റ്റാൻഡിങ് കമ്മിറ്റികളിലേക്കാണ് തെരഞ്ഞെടുപ്പ് നടന്നത്. ഇതിൽ ഏഴ് കമ്മിറ്റികളിൽ ആർ. ശ്രീലേഖ കൃത്യമായി വോട്ട് രേഖപ്പെടുത്തി. എന്നാൽ നഗരാസൂത്രണ കമ്മിറ്റിയിലേക്കുള്ള വോട്ടെടുപ്പിൽ ബാലറ്റിന്റെ പിന്നിൽ പേര് എഴുതി ഒപ്പിടണമെന്ന നിർദേശം അവർ പാലിച്ചില്ല. ഇതേ തുടർന്നാണ് ആ വോട്ട് അസാധുവാക്കിയത്.
തന്നെ മേയറാക്കാത്തതിലുള്ള അസംതൃപ്തി ആർ. ശ്രീലേഖ നേരത്തെ പരസ്യമായി അറിയിച്ചതിന് പിന്നാലെയാണ് ഈ സംഭവം നടന്നത്.
