കേരളത്തിന് കേന്ദ്രസഹായം ലഭിക്കണമെങ്കിൽ എൻഡിഎയിൽ ചേരണമെന്ന് കേന്ദ്രമന്ത്രി രാംദാസ് അത്താവലെ പറഞ്ഞത് ഭരണഘടനാ വിരുദ്ധവും ജനാധിപത്യ വിരുദ്ധവുമാണെന്ന് സിപിഐ എം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ പറഞ്ഞു. കണ്ണൂരിൽ നടത്തിയ പത്രസമ്മേളനത്തിലാണ് പ്രതികരണം.
ഫെഡറൽ സംവിധാനത്തിന് വിരുദ്ധമായി സംസ്ഥാനങ്ങൾക്ക് അവകാശപ്പെട്ട സഹായങ്ങൾ രാഷ്ട്രീയ നിബന്ധനകൾക്ക് വിധേയമാക്കുകയാണെന്നും, കഴിഞ്ഞ അഞ്ച് വർഷമായി കേരളത്തിന് ലഭിക്കേണ്ട ഏകദേശം രണ്ട് ലക്ഷം കോടി രൂപ കേന്ദ്രം തടഞ്ഞുവച്ചിരിക്കുകയാണെന്നും അദ്ദേഹം ആരോപിച്ചു. ആർഎസ്എസ്–ബിജെപി വർഗീയ ശക്തികൾക്കെതിരായ പോരാട്ടം തുടരുമെന്നും എം വി ഗോവിന്ദൻ മാസ്റ്റർ വ്യക്തമാക്കി.
