നടിയെ ആക്രമിച്ച കേസിലെ വിധിപകർപ്പ് പുറത്തുവന്നു . മൊത്തത്തിൽ 1551 പേജുകൾ അടങ്ങിയതാണ് കോടതിയുടെ ഉത്തരവ്. എട്ടാം പ്രതിയായ ദിലീപിനെതിരെ ഗൂഢാലോചനക്കുറ്റം തെളിയുന്ന തെളിവുകൾ പ്രോസിക്യൂഷൻ സമർപ്പിക്കാൻ കഴിഞ്ഞില്ലെന്നാണ് വിധിയിൽ വ്യക്തമാക്കുന്നത്. ദിലീപിന് പൾസർ സുനിയുമായി ബന്ധമുണ്ടെന്ന് തെളിയിക്കാനും പ്രോസിക്യൂഷന് സാധ്യമായിട്ടില്ല.
പ്രതിഭാഗം, ദിലീപ് പൾസർ സുനിയെ അറിയില്ലെന്ന വാദം മുന്നോട്ടുവച്ചിരുന്നു. ഇത് തള്ളുന്നതിനായി തീർച്ചയായ തെളിവുകൾ അവതരിപ്പിക്കാൻ പ്രോസിക്യൂഷന് കഴിഞ്ഞില്ലെന്നും ഉത്തരവിൽ പറയുന്നു. ഒന്നാം പ്രതിയായ പൾസർ സുനിക്ക് ദിലീപ് പണം നൽകിയെന്ന അന്വേഷണ സംഘത്തിന്റെ കണ്ടെത്തലുകൾക്കും കോടതി തെളിവില്ലെന്ന നിലപാടെടുത്തിരിക്കുന്നു. കുറ്റം നടക്കുന്നതിനുമുമ്പ് തൃശൂരിലെ ജോയ് പാലസ് ഹോട്ടൽ പരിസരത്ത് ദിലീപ് 10,000 രൂപ അഡ്വാൻസ് നൽകി, പിന്നീട് തൊടുപുഴയിൽ 30,000 രൂപ കൈമാറിയെന്ന പ്രോസിക്യൂഷൻ വാദവും കോടതി നിരാകരിച്ചു.
ജയിൽവാസത്തിനിടെ പ്രതികൾ ദിലീപിനെ ഫോൺ വിളിച്ചുവെന്ന ആരോപണത്തിനും തെളിവുകൾ ലഭ്യമല്ലെന്ന് കോടതി വ്യക്തമാക്കി. ജയിലിൽ നിന്ന് പ്രതികൾ ഫോൺ ഉപയോഗിച്ചെന്നതിനും, ദിലീപ് പ്രതികൾക്ക് പണം നൽകി എന്നതിനും വ്യക്തമായ തെളിവുകൾ രേഖപ്പെടുത്തിയിട്ടില്ല.
തൃശൂരിലെ ടെന്നീസ് ക്ലബ്ബിൽ ദിലീപും പൾസർ സുനിയും ഒരുമിച്ച് ഫോട്ടോ എടുത്തുവെന്ന വാദവും കോടതി തള്ളി. ഫോട്ടോ എടുത്ത വ്യക്തി നൽകിയ മൊഴിപ്രകാരം ചിത്രത്തിലുള്ള വ്യക്തി പൾസർ സുനി അല്ലെന്നാണ് കണ്ടെത്തൽ. ഇതോടെ ആ വാദവും അസാധുവായി.
