ടി20 ലോകകപ്പിലെ സൂപ്പർ 8 ഘട്ടത്തിലെ ആദ്യ മത്സരത്തിൽ ഇന്ത്യ സൗത് ആഫ്രിക്കക്കെതിരെ 76 റൺസിന്റെ കനത്ത തോൽവി വഴങ്ങി. നിലവിലെ ചാംപ്യന്മാരായ ഇന്ത്യയെ ബാറ്റിങ്ങിലും ബൗളിങ്ങിലും ഫീൽഡിങ്ങിലും മറികടന്ന പ്രകടനമാണ് പ്രോട്ടീസ് പുറത്തെടുത്തത്. ഇതോടെ 2024 ഫൈനലിലെ തോൽവിക്ക് ദക്ഷിണാഫ്രിക്ക മധുരപ്രതികാരം നൽകി.
അഹമ്മദാബാദിലെനരേന്ദ്ര മോഡി സ്റ്റേഡിയത്തിൽ നടന്ന മത്സരത്തിൽ ടോസ് നേടിയ ദക്ഷിണാഫ്രിക്ക ആദ്യം ബാറ്റ് ചെയ്ത് 20 ഓവറിൽ 7 വിക്കറ്റ് നഷ്ടത്തിൽ 187 റൺസ് നേടി. ഡിവാൾഡ് ബ്രെവിസ് (45), ഡേവിഡ് മില്ലർ (63), ട്രിസ്റ്റൺ സ്റ്റബ്സ് (44) എന്നിവരുടെ തകർപ്പൻ ഇന്നിങ്സുകളാണ് സ്കോർ ഉയർത്തിയത്. ഇന്ത്യൻ ബൗളർമാരിൽ ജസ്പ്രീത് ബുമ്ര മൂന്ന് വിക്കറ്റ് നേടി.
188 റൺസിന്റെ വിജയലക്ഷ്യം പിന്തുടർന്ന ഇന്ത്യ 18.5 ഓവറിൽ 111 റൺസിൽ ഓൾഔട്ടായി. 42 റൺസെടുത്ത ശിവം ദുബെയായിരുന്നു ടോപ് സ്കോറർ. മാർക്കോ ജാൻസൺ നാല് വിക്കറ്റും കേശവ് മഹാരാജ് മൂന്ന് വിക്കറ്റും നേടി ഇന്ത്യയെ തകർത്തു.
ആദ്യ ഓവറുകളിൽ തന്നെ ഇഷാൻ കിഷൻ, തിലക് വർമ്മ എന്നിവർ പുറത്തായതോടെ ഇന്ത്യ സമ്മർദ്ദത്തിലായി. തുടർന്ന് വിക്കറ്റുകൾ നിരന്തരം വീണതോടെ ടീം തകർച്ചയിലേക്ക് നീങ്ങി. ബാറ്റിങ് നിരയുടെ പരാജയത്തോടൊപ്പം ഫീൽഡിംഗിലും പിഴവുകൾ സംഭവിച്ചതോടെ ഇന്ത്യക്ക് വലിയ തോൽവി ഒഴിവാക്കാനായില്ല.
