കരീബിയൻ ദ്വീപ് രാഷ്ട്രങ്ങളായ ആന്റിഗ്വയും ബാർബുഡയും ഔദ്യോഗിക സത്യപ്രതിജ്ഞയിൽ നിന്ന് ബ്രിട്ടീഷ് രാജാവിനോടുള്ള കൂറ് പരാമർശം നീക്കം ചെയ്ത് പുതിയ ഭരണഘടനാ മാറ്റം നടപ്പാക്കി. ഇതോടെ സർക്കാർ ഉദ്യോഗസ്ഥരുടെ സത്യപ്രതിജ്ഞയിൽ ഇനി രാജ്യത്തോടും ഭരണഘടനയോടുമുള്ള വിശ്വസ്തത മാത്രമാണ് ഉൾപ്പെടുന്നത്.
1981-ൽ ബ്രിട്ടനിൽ നിന്ന് സ്വാതന്ത്ര്യം നേടിയെങ്കിലും കോമൺവെൽത്തിലെ ഭരണഘടനാ രാജവാഴ്ചയായാണ് രാജ്യം ഇതുവരെ തുടർന്നിരുന്നത് . എന്നാൽ പുതിയ ഭേദഗതിയോടെ ബ്രിട്ടീഷ് രാജാവായ ചാൾസ് മൂന്നാമൻയെയും അദ്ദേഹത്തിന്റെ അനന്തരാവകാശികളെയും സത്യപ്രതിജ്ഞയിൽ നിന്ന് ഒഴിവാക്കിയിരിക്കുകയാണ്.
കഴിഞ്ഞ വർഷം പാർലമെന്റ് അംഗീകരിച്ച ഭരണഘടനാ ഭേദഗതിയുടെ അടിസ്ഥാനത്തിലാണ് പുതിയ സത്യപ്രതിജ്ഞ നടപ്പിലായത്. പുതുക്കിയ വ്യവസ്ഥ പ്രകാരം തിരഞ്ഞെടുക്കപ്പെട്ട പ്രതിനിധികളും ഉദ്യോഗസ്ഥരും ഇനി ആന്റിഗ്വയും ബാർബുഡയും അതിന്റെ ഭരണഘടനയും നിയമങ്ങളും മാത്രമാണ് അനുസ്മരിക്കുന്നത്.
ഇതിനിടെ, പ്രധാനമന്ത്രി ഗാസ്റ്റൺ ബ്രൗൺ തുടർച്ചയായ നാലാം തിരഞ്ഞെടുപ്പ് വിജയം നേടി. ആന്റിഗ്വ ആൻഡ് ബാർബുഡ ലേബർ പാർട്ടി 17 സീറ്റുകളിൽ 15 എണ്ണം നേടി വൻ വിജയം കൈവരിച്ചു. ആഗോള സാമ്പത്തിക അനിശ്ചിതത്വത്തിനിടയിൽ രണ്ട് വർഷം മുൻപേ തിരഞ്ഞെടുപ്പ് പ്രഖ്യാപിച്ചതായും റിപ്പോർട്ടുണ്ട്.
എങ്കിലും പുതിയ മാറ്റങ്ങൾ ഉണ്ടായിട്ടും രാജ്യം കോമൺവെൽത്തിലെ ഭാഗമായാണ് തുടരുന്നത്. കോമൺവെൽത്തിലെ 56 രാജ്യങ്ങളിൽ ഇപ്പോഴും 15 രാജ്യങ്ങൾ ബ്രിട്ടീഷ് രാജാവിനെ രാഷ്ട്രത്തലവനായി അംഗീകരിക്കുന്നുണ്ട്. 2021ൽ ബാർബഡോസ് റിപ്പബ്ലിക്കായി മാറിയതോടെ കരീബിയൻ മേഖലയിലെ രാജവാഴ്ച അവസാനിപ്പിച്ച പുതിയ മാതൃകയും ശ്രദ്ധേയമായിരുന്നു.
