സംസ്ഥാനത്ത് ഏഴ് വര്ഷത്തിന് ശേഷമാണ് തടവുകാരുടെ വേതനം വര്ധിപ്പിക്കുന്നത്. 2016ലെ മോഡല് പ്രിസണ് മാനുവല് പ്രകാരം മൂന്നു വര്ഷം കൂടുമ്പോള് വേതനം പരിഷ്കരിക്കണമെന്ന് സുപ്രീം കോടതി കേരളം ഉള്പ്പെടെ ആറു സംസ്ഥാനങ്ങളോട് നിര്ദേശിച്ചിരുന്നുവ്. എല്ലാ തടവുകാര്ക്കും ന്യായമായ വേതനം നല്കേണ്ടത് ഭരണഘടനാപരമായ ബാധ്യതയാണെന്നും, മാനുഷികമായ മാനദണ്ഡങ്ങളുടെ അടിസ്ഥാനത്തിലാണ് വേതനം നിശ്ചയിക്കേണ്ടതെന്നും സുപ്രീം കോടതി വ്യക്തമാക്കിയിട്ടുണ്ട്. കേരളത്തില് ഇതുവരെ മിനിമം വേതനത്തിന്റെ അഞ്ചില് ഒന്ന് മാത്രമാണ് തടവുകാര്ക്ക് നല്കിയിരുന്നത്. സുപ്രീം കോടതി വിധിയുടെ അടിസ്ഥാനത്തിലാണ് ആഭ്യന്തരവകുപ്പ് ഇപ്പോള് വേതന പരിഷ്കരണം നടപ്പാക്കിയിരിക്കുന്നത്.
പുതിയ പരിഷ്കരണപ്രകാരം സ്കില്ഡ് ജോലികള്ക്ക് 620 രൂപയും, സെമി സ്കില്ഡ് ജോലികള്ക്ക് 560 രൂപയും, അണ് സ്കില്ഡ് വിഭാഗത്തിന് 530 രൂപയുമാണ് പ്രതിദിന വേതനമായി നിശ്ചയിച്ചത്. ഈ തുകകള് കോടതികളുടെ മേല്നോട്ടത്തിലും ലീഗല് സര്വീസ് അതോറിറ്റിയുടെ നിര്വഹണ നിയന്ത്രണത്തിലും പ്രവര്ത്തിക്കുന്ന സഞ്ചിത നിധിയിലേക്കാണ് അടയ്ക്കുന്നത്. കോടതി വിധി പ്രകാരം പിഴ, കുറ്റകൃത്യത്തിന് ഇരയായവര്ക്കുള്ള നഷ്ടപരിഹാരം, ജയില് ക്ഷേമ പ്രവര്ത്തനങ്ങള് തുടങ്ങിയ ആവശ്യങ്ങള്ക്കായി നിശ്ചിത വിഹിതം ഈ തുകയില് നിന്ന് മാറ്റിവെക്കും.
ഇതില് 30 ശതമാനം കുറ്റകൃത്യത്തിന് ഇരയായവര്ക്കുള്ള നഷ്ടപരിഹാരത്തിനും, 25 ശതമാനം തടവുപുള്ളികളുടെ കാന്റീന് ഭക്ഷണത്തിനും, 50 ശതമാനം കുറ്റവാളികളുടെ ആശ്രിതരുടെ ഉപജീവനത്തിനുമാണ് വിനിയോഗിക്കുന്നത്. ശേഷിക്കുന്ന 25 ശതമാനം മാത്രമാണ് തടവുപുള്ളിയുടെ നിര്ബന്ധിത സമ്പാദ്യമായി മാറ്റിവെക്കുന്നത്. ഈ തുക ശിക്ഷ പൂര്ത്തിയാക്കി പുറത്തിറങ്ങുമ്പോഴാണ് തടവുപുള്ളിക്ക് കൈമാറുന്നത്.
ഈ യാഥാര്ഥ്യങ്ങള് നിലനില്ക്കെയാണ് തടവുകാരുടെ വേതനവര്ധനയെ മറ്റ് തൊഴിലാളികളുടെ വേതനവുമായി താരതമ്യം ചെയ്ത് തെറ്റിദ്ധരിപ്പിക്കുന്ന പ്രചാരണങ്ങള് നടക്കുന്നതെന്ന് അധികൃതര് വ്യക്തമാക്കുന്നു.
