ഗ്രൂപ്പ് ജിയിലെ ആവേശകരമായ പോരാട്ടത്തിൽ ശക്തരായ ഇറാനെ സമനിലയിൽ പിടിച്ച് ന്യൂസിലാൻഡ്. ഇരു ടീമുകളും രണ്ട് ഗോളുകൾ വീതം നേടി മത്സരം 2-2ന് അവസാനിച്ചു. ആദ്യ പകുതിയിൽ സ്കോർ 1-1 ആയിരുന്നു.
ന്യൂസിലാൻഡിനായി എലിജാ ജസ്റ്റ് ഏഴാം മിനിറ്റിലും 54-ാം മിനിറ്റിലും ഗോൾ നേടി ഇരട്ടഗോൾ നേട്ടം സ്വന്തമാക്കി. ഇറാനുവേണ്ടിറമീനും (32)യും മുഹമ്മദ് മോഹബിയും (64)യും ലക്ഷ്യം കണ്ടു.
മത്സരത്തിന്റെ തുടക്കത്തിൽ തന്നെ ന്യൂസിലാൻഡ് ആക്രമണ മികവ് പ്രകടിപ്പിച്ചു. ഏഴാം മിനിറ്റിൽ ക്രിസ് വുഡ് നൽകിയ പാസിൽ നിന്ന് എലിജ ജസ്റ്റ് ഗോൾ നേടി ടീമിനെ മുന്നിലെത്തിച്ചു. പിന്നിലായതോടെ ഇറാൻ ആക്രമണം ശക്തമാക്കിയെങ്കിലും ന്യൂസിലാൻഡിന്റെ പ്രതിരോധനിര ശക്തമായി നിലകൊണ്ടു.
തുടർച്ചയായ മുന്നേറ്റങ്ങൾക്കൊടുവിൽ 32-ാം മിനിറ്റിൽ ഇറാൻ സമനില പിടിച്ചു. ഷഹ്രിയാർ മൊഗൻലൂ നടത്തിയ നീക്കത്തിൽ നിന്ന് ലഭിച്ച അവസരം റാമിൻ റെസായൻ ഗോളാക്കി മാറ്റുകയായിരുന്നു. ആദ്യ പകുതിയുടെ അവസാന നിമിഷങ്ങളിൽ ഇറാൻ വീണ്ടും വലകുലുക്കിയെങ്കിലും ഓഫ്സൈഡ് വിധി ഗോൾ നിഷേധിച്ചു.
രണ്ടാം പകുതിയിലും മത്സരം ആവേശകരമായി തുടർന്നു. 54-ാം മിനിറ്റിൽ വീണ്ടും ക്രിസ് വുഡിന്റെ പാസിൽ നിന്ന് എലിജ ജസ്റ്റ് ലക്ഷ്യം കണ്ടതോടെ ന്യൂസിലാൻഡ് 2-1ന് മുന്നിലെത്തി. എന്നാൽ അതിന് മറുപടി നൽകാൻ ഇറാൻ അധികസമയം എടുത്തില്ല.
ആക്രമണങ്ങൾ തുടർച്ചയായി നടത്തിയ ഇറാൻ 64-ാം മിനിറ്റിൽ സമനില ഗോൾ നേടി. റാമിൻ റെസായന്റെ മികച്ച പാസിൽ നിന്ന് മൊഹമ്മദ് മൊഹെബ്ബി ഗോൾ നേടി സ്കോർ 2-2 ആക്കി. ശേഷിച്ച സമയത്തും ഇറാൻ പന്തടക്കത്തിലും ആക്രമണത്തിലും മേൽക്കൈ പുലർത്തിയെങ്കിലും വിജയഗോൾ നേടാനായില്ല.
ഇതോടെ കരുത്തരായ ഇറാനെതിരെ മികച്ച പോരാട്ടവീര്യം കാട്ടിയ ന്യൂസിലാൻഡ് വിലപ്പെട്ട ഒരു പോയിന്റ് സ്വന്തമാക്കി.
