എംഎസ്സിക്ക് കൈമാറാനുള്ള നീക്കത്തിൽ സംസ്ഥാന സർക്കാർ നിർണായക ഇടപെടലിലേക്ക്. ഓഹരി കൈമാറ്റവുമായി ബന്ധപ്പെട്ട വിവരം അദാനി ഗ്രൂപ്പ് ആദ്യം ഓഹരി വിപണികളെയും സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യയെയും (SEBI) അറിയിച്ച ശേഷമാണ് വിഷയത്തിൽ സംസ്ഥാന സർക്കാരിന്റെ ശ്രദ്ധ പതിഞ്ഞത്.
ജൂൺ 29-നാണ് അദാനി ഗ്രൂപ്പും എംഎസ്സിയും തമ്മിൽ ധാരണയിലെത്തിയത്. എന്നാൽ സംസ്ഥാന സർക്കാരുമായി വിശദമായ കൂടിയാലോചനകൾ നടത്തുന്നതിന് മുൻപേ തന്നെ ഇടപാടിന്റെ വിവരം ഓഹരി വിപണിയെ അറിയിച്ചതാണ് വിവാദങ്ങൾക്ക് വഴിവെച്ചിരിക്കുന്നത്.
സംഭവത്തിന്റെ പശ്ചാത്തലത്തിൽ വിശദമായ നിയമോപദേശം തേടാനും വിദഗ്ധ പരിശോധന നടത്താനും സർക്കാർ തീരുമാനിച്ചിട്ടുണ്ട്. സംസ്ഥാന സർക്കാരും അദാനി ഗ്രൂപ്പും തമ്മിലുള്ള കൺസഷൻ കരാർ പ്രകാരം, കമ്പനിയുടെ ഓഹരി ഘടനയിൽ നിർണായക മാറ്റം വരുത്തുന്നതിന് സർക്കാരിന്റെ മുൻകൂർ അനുമതി നിർബന്ധമാണെന്നാണ് സർക്കാർ വൃത്തങ്ങൾ ചൂണ്ടിക്കാട്ടുന്നത്. കരാറിലെ വ്യവസ്ഥകളും നിയമപരമായ നിയന്ത്രണങ്ങളും വിശദമായി പരിശോധിച്ച ശേഷമേ അന്തിമ നിലപാട് സ്വീകരിക്കൂ എന്നും സർക്കാർ അറിയിച്ചു.
അതേസമയം, വിഷയത്തെ ശക്തമായ രാഷ്ട്രീയ ആയുധമാക്കാനാണ് പ്രതിപക്ഷത്തിന്റെ നീക്കം. സംസ്ഥാന സർക്കാരിനെ അറിയിക്കാതെ ഇത്തരമൊരു നിർണായക ഇടപാട് നടത്താൻ അദാനി ഗ്രൂപ്പിന് ധൈര്യം നൽകിയത് ആരാണെന്ന് പ്രതിപക്ഷ നേതാവ് പിണറായി വിജയൻ ചോദിച്ചു. ഓഹരി കൈമാറ്റവുമായി ബന്ധപ്പെട്ട എല്ലാ വിവരങ്ങളും പൊതുജനങ്ങൾക്കു മുന്നിൽ വെളിപ്പെടുത്തണമെന്നും ഇടപാടിലെ ദുരൂഹതകൾ നീക്കണമെന്നും പ്രതിപക്ഷം ആവശ്യപ്പെട്ടു.
