യുവതാരം പ്രദീപ് രംഗനാഥൻ നായകനായി, സംവിധായകൻ വിഘ്നേഷ് ശിവൻ ഒരുക്കിയ ചിത്രം ‘ലവ് ഇൻഷുറൻസ് കമ്പനി’ ഒടിടി പ്ലാറ്റ്ഫോമിൽ എത്തി. ചിത്രം പ്രമുഖ സ്ട്രീമിംഗ് പ്ലാറ്റ്ഫോമായ ആമസോൺ പ്രൈം വീഡിയോ വഴിയാണ് പ്രദർശനം ആരംഭിച്ചിരിക്കുന്നത്. തിയേറ്ററുകളിൽ മികച്ച പ്രതികരണം നേടിയ ചിത്രം, യുവാക്കളെയും കുടുംബ പ്രേക്ഷകരെയും ഒരുപോലെ ആകർഷിച്ചിരുന്നു.
‘ലവ് ടുഡേ’യ്ക്ക് പിന്നാലെ പ്രദീപ് രംഗനാഥന് ലഭിച്ച തുടർച്ചയായ വിജയങ്ങളിൽ മറ്റൊന്നായി ഈ ചിത്രം മാറി. ഏപ്രിൽ 10ന് തിയേറ്ററുകളിൽ റിലീസ് ചെയ്ത ചിത്രം ആഗോള ബോക്സ് ഓഫീസിൽ 70 കോടി രൂപയിലധികം കളക്ഷൻ നേടി ശ്രദ്ധ നേടി. R റൗഡി പിച്ചേഴ്സും സെവൻ സ്ക്രീൻ സ്റ്റുഡിയോയും ചേർന്നാണ് നിർമ്മാണം നിർവഹിച്ചത്. കേരളത്തിൽ വിതരണത്തിനെത്തിച്ചത് ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ്.
പ്രണയവും ഇൻഷുറൻസ് ആശയവും ചേർത്തുനിറഞ്ഞ വ്യത്യസ്ത കഥാസന്ദർഭമാണ് ചിത്രത്തിന്റെ പ്രത്യേകത. നായികയായി കൃതി ഷെട്ടിയാണ് എത്തിയത്. എസ് ജെ സൂര്യ ,ഗൗരി കിഷൻ എന്നിവർ ഉൾപ്പെടെ വലിയ താരനിരയും ചിത്രത്തിലുണ്ട്. തിയേറ്റർ വിജയത്തിന് പിന്നാലെ ഒടിടിയിൽ എത്തിയ ചിത്രം ഇപ്പോൾ കൂടുതൽ പ്രേക്ഷകരിലേക്ക് എത്തുമെന്ന പ്രതീക്ഷയിലാണ് നിർമ്മാതാക്കൾ.
