ശ്രീശങ്കരാചാര്യ സംസ്കൃത സർവ്വകലാശാലയുടെ ഒന്നാം സെമസ്റ്റർ, മൂന്നാം സെമസ്റ്റർ ബി.എ (റീ അപ്പിയറൻസ്) പരീക്ഷകളുടെ സമയക്രമത്തിൽ മാറ്റം വരുത്തിയതായി സർവ്വകലാശാല അറിയിച്ചു. വിദ്യാർത്ഥികൾ കൂടുതൽ വിവരങ്ങൾക്കായി സർവ്വകലാശാലയുടെ ഔദ്യോഗിക വെബ്സൈറ്റായ www.ssus.ac.in സന്ദർശിക്കണമെന്ന് അധികൃതർ അറിയിച്ചു.
കൂടാതെ, സംസ്കൃത സർവ്വകലാശാലയുടെ കാലടി മുഖ്യ ക്യാമ്പസിലെ സംഗീത വിഭാഗത്തിന്റെ ആഭിമുഖ്യത്തിൽ ഡിസംബർ അഞ്ച്, ആറ് തീയതികളിലായി ദ്വിദിന ദേശീയ സെമിനാറും സംഘടിപ്പിക്കുന്നുണ്ട്. ലാംഗ്വേജ് ബ്ലോക്കിലെ സെമിനാർ ഹാളിൽ വെച്ച് നടക്കുന്ന സെമിനാറിന്റെ വിഷയം ‘രാഗങ്ങളുടെ സൗന്ദര്യശാസ്ത്രം’എന്നതാണ്.
ഡിസംബർ അഞ്ചിന് രാവിലെ പത്തിന് വൈസ് ചാൻസലർ പ്രൊഫ. കെ. കെ. ഗീതാകുമാരി ദ്വിദിന ദേശീയ സെമിനാർ ഉദ്ഘാടനം ചെയ്യും. സംഗീതജ്ഞൻ ആർ. കെ. ശ്രീരാംകുമാർ മുഖ്യപ്രഭാഷണം നിർവ്വഹിക്കുമ്പോൾ ഡോ. മാലിനി ഹരിഹരൻ അധ്യക്ഷയായിരിക്കും. ഉച്ചകഴിഞ്ഞ് രണ്ടിന് ഡോ. എൻ. ജെ. നന്ദിനിയുടെ നേതൃത്വത്തിൽ സംഗീത കച്ചേരി ഉണ്ടായിരിക്കും.
ഡിസംബർ ആറിന് രാവിലെ 9.30ന് തമിഴ്നാട് കേന്ദ്ര സർവ്വകലാശാലയിലെ മ്യൂസിക് വിഭാഗം അസിസ്റ്റന്റ് പ്രൊഫസർ ഡോ. വി. ആർ ദിലീപ്കുമാർ മുഖ്യപ്രബന്ധം അവതരിപ്പിക്കും. ഡോ. ലോല കേശവൻ അധ്യക്ഷത വഹിക്കുന്ന സെഷനിൽ ഡോ. എൻ പ്രിയദർശിനി, ശരത്ചന്ദ്ര ബോസ്, സുന്ദർ ദാസ് ടി, അജിത് കുമാർ പി. എസ്., മാളവിക നായർ എം. ആർ, അനന്തു മുരളി, വാണി വേണുഗോപാൽ, പെട്രീസ സാബു, ഗോപിക എസ്. എന്നിവർ വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും.
