കൊച്ചി കോര്പറേഷനില് തദ്ദേശ തെരഞ്ഞെടുപ്പിൽ യുഡിഎഫ് തരംഗം. കഴിഞ്ഞ തവണ ചുണ്ടിനും കപ്പിനും ഇടയില് ഇഞ്ചോടിഞ്ച് നഷ്ടപ്പെട്ട കൊച്ചി കോര്പ്പറേഷന് യുഡിഎഫ് തിരിച്ചുപിടിച്ചു. യുഡിഎഫിന്റെ മേയര് സ്ഥാനാര്ത്ഥികളായി കരുതപ്പെട്ടവരെല്ലാം ആധികാരികമായി ജയിച്ചപ്പോള് എല്ഡിഎഫിന്റെ മേയര് സ്ഥാനാര്ഥികളെല്ലാം പരാജയപ്പെട്ടു .
മാത്രമല്ല, കൊച്ചിയില് കോണ്ഗ്രസിന്റെ മേയര് സ്ഥാനാര്ത്ഥിയായി ചര്ച്ച ചെയ്യപ്പെട്ട ദീപ്തി മേരി വര്ഗീസ് മികച്ച വിജയമാണ് നേടിയത്. വിമതരാൽ പൊറുതിമുട്ടിയെ കൊച്ചിയില് അവരേയും നേരിട്ടാണ് കോണ്ഗ്രസിന്റെ ഗംഭീര വിജയമെന്നതും ശ്രദ്ധേയമാണ്. 45 വാര്ഡുകളിലാണ് യുഡിഎഫ് മുന്നേറുന്നത്, എല്ഡിഎഫ് 17 ഇടത്തും എന്ഡിഎ നാലിടത്തും മാത്രമാണ് ലീഡുള്ളത്.
