മുഖ്യമന്ത്രി ആർഎസ്എസുമായി ഉണ്ടാക്കിയെന്ന് ആരോപിക്കുന്ന ധാരണയുടെ ഭാഗമായാണ് സംസ്ഥാനത്ത് വന്ദേമാതരം പൂർണരൂപത്തിൽ ആലപിക്കുന്നതെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ മാസ്റ്റർ. സംഘപരിവാർ വന്ദേമാതരം പൂർണരൂപത്തിൽ ആലപിക്കാൻ പാടില്ലെന്നും അദ്ദേഹം പറഞ്ഞു. കോൺഗ്രസ് ആസ്ഥാനത്തും ഓണം വാരാഘോഷത്തിന്റെ സമാപന ചടങ്ങിലും വന്ദേമാതരം പൂർണരൂപത്തിൽ ആലപിച്ചതായും ഗോവിന്ദൻ ആരോപിച്ചു.
അങ്കമാലി മഞ്ഞപ്രയിൽ മുൻ നിയമസഭാ സ്പീക്കർ എ.പി. കുര്യന്റെ 25-ാം ചരമവാർഷിക ദിനാചരണ സമ്മേളനം ഉദ്ഘാടനം ചെയ്യുന്നതിനിടെയായിരുന്നു അദ്ദേഹത്തിന്റെ വിമർശനം.
അതേസമയം, ഉപരാഷ്ട്രപതി പങ്കെടുക്കുന്ന ഓണം വാരാഘോഷ സമാപന ചടങ്ങിൽ വന്ദേമാതരം പൂർണരൂപത്തിൽ ആലപിച്ചത് പ്രോട്ടോക്കോൾ പാലിക്കുന്നതിന്റെ ഭാഗമായാണെന്നാണ് മന്ത്രി പി.സി. വിഷ്ണുനാഥിന്റെ വിശദീകരണം. പ്രധാനമന്ത്രിയും ഉപരാഷ്ട്രപതിയും പങ്കെടുക്കുന്ന ഔദ്യോഗിക പരിപാടികൾക്ക് കൃത്യമായ പ്രോട്ടോക്കോൾ ഉണ്ടെന്നും അത് പാലിക്കുക എന്നല്ലാതെ സർക്കാരിന് മറ്റ് വഴികളില്ലെന്നും മന്ത്രി വ്യക്തമാക്കി.
ഇതോടെ വന്ദേമാതരം പൂർണരൂപത്തിൽ ആലപിച്ചതിനെച്ചൊല്ലിയുള്ള രാഷ്ട്രീയ വിവാദം കൂടുതൽ ശക്തമാകുകയാണ്.
