വെനിസ്വേലയിൽ സൂക്ഷിച്ചിരുന്ന ഉയർന്ന സമ്പുഷ്ട യുറേനിയം വിജയകരമായി നീക്കം ചെയ്തതായി യുഎസ് ഊർജ്ജ വകുപ്പ് അറിയിച്ചു. ഈ നടപടി അമേരിക്കയ്ക്കും അന്താരാഷ്ട്ര സമൂഹത്തിനും വലിയ വിജയമാണെന്ന് വകുപ്പ് പ്രസ്താവനയിൽ വ്യക്തമാക്കി. വെനിസ്വേലയിലെ ഒരു പൈതൃക ഗവേഷണ റിയാക്ടറിൽ സൂക്ഷിച്ചിരുന്ന ശേഷിപ്പുള്ള യുറേനിയമാണ് നീക്കം ചെയ്തത്. ഏകദേശം 13.5 കിലോഗ്രാം (30 പൗണ്ട്) ഭാരമുള്ള ഈ വസ്തു സംസ്കരണത്തിനും പുനരുപയോഗത്തിനുമായി യുഎസിലേക്ക് മാറ്റിയതായി റിപ്പോർട്ട് പറയുന്നു.
“വെനിസ്വേല വീണ്ടും പുനഃസ്ഥാപിക്കപ്പെടുകയും പുതുക്കപ്പെടുകയും ചെയ്തതിന്റെ മറ്റൊരു സൂചനയാണിത്” എന്ന് യുഎസ് ഊർജ്ജ വകുപ്പ് പ്രസ്താവനയിൽ വ്യക്തമാക്കി. ഈ നടപടിയിൽ യുഎസ് പ്രസിഡന്റ് ഡോണൾഡ് ട്രംപിന്റെ നിർണായക നേതൃത്വത്തെയും വകുപ്പ് പ്രശംസിച്ചു.
വെനിസ്വേലൻ ശാസ്ത്ര-സാങ്കേതിക മന്ത്രാലയവുമായി ഏകോപനം നടത്തി ഈ യുറേനിയം നീക്കം ചെയ്തതായും DOE അറിയിച്ചു. കഴിഞ്ഞ വർഷം ഉണ്ടായ രാഷ്ട്രീയ മാറ്റങ്ങൾക്കുശേഷം അമേരിക്കയും വെനസ്വ്ലെയും തമ്മിലുള്ള ബന്ധം പുനഃസ്ഥാപിച്ച സാഹചര്യത്തിലാണ് ഈ നടപടിയെന്നും പ്രസ്താവനയിൽ വ്യക്തമാക്കുന്നു. ആണവ സുരക്ഷയും അന്താരാഷ്ട്ര നിയന്ത്രണങ്ങളും ശക്തിപ്പെടുത്തുന്നതിൽ ഈ നീക്കം നിർണായകമാണെന്ന് യുഎസ് അധികൃതർ വിലയിരുത്തുന്നു.
