സീനിയർ സി.പി.ഒ. ഉമേഷ് വള്ളിക്കുന്ന് പൊലീസ് സർവീസിൽ നിന്നും പിരിച്ചുവിടപ്പെട്ടു. പത്തനംതിട്ട പൊലീസ് മേധാവിയുടെ ഉത്തരവായാണ് സീനിയർ സി.പി.ഒ. ഉമേഷ് വള്ളിക്കുന്നിനെ പോലീസ് സർവീസിൽ നിന്ന് പിരിച്ചുവിട്ടത്.
ഉത്തരവിൽ പറയുന്നത്, ഉദ്യോഗസ്ഥന്റെ കടമകൾ ശരിയായി നിറവേറ്റുന്നതിൽ ഉമേഷ് വള്ളിക്കുന്ന് പരാജയപ്പെട്ടുവെന്നും, ഗുരുതരമായ അച്ചടക്ക ലംഘനങ്ങൾ, കൃത്യവിലോപം, പെരുമാറ്റ ദൂഷ്യം എന്നിവ നടത്തുന്നുവെന്നും, സേനയുടെയും സർക്കാരിന്റെയും അന്തസ്സിന് കളങ്കം വരുത്തുന്ന പ്രവർത്തനങ്ങൾ തുടരുകയാണെങ്കിൽ മറ്റു പോലീസ് ഉദ്യോഗസ്ഥരുടെ മനോവീര്യം തകർക്കുമെന്നും ആണ്.
മുമ്പ് മുപ്പതോളം തവണ വിവിധ തരത്തിലുള്ള അച്ചടക്ക നടപടികൾക്കും ഉമേഷ് വള്ളിക്കുന്ന് വിധേയനായിരുന്നു. ഈ പിരിച്ചുവിടൽ തീരുമാനത്തിനെതിരെ അദ്ദേഹം കോടതിയെ സമീപിക്കുമെന്ന് പ്രതികരിച്ചു.
