പാളയം പ്രദീപ് തന്റെ പേഴ്സണൽ സ്റ്റാഫ് അംഗമാണെന്ന ആലത്തൂർ എംഎൽഎ രമ്യ ഹരിദാസിന്റെ വാദം തെറ്റാണെന്ന ആരോപണം. ഒരു എംഎൽഎയ്ക്ക് സർക്കാർ അനുവദിച്ചിട്ടുള്ളത് മൂന്ന് സ്റ്റാഫ് അംഗങ്ങളെയാണ്. എന്നാൽ എംഎൽഎയുടെ ഔദ്യോഗിക സ്റ്റാഫ് പട്ടികയിൽ പാളയം പ്രദീപിന്റെ പേര് ഉൾപ്പെട്ടിട്ടില്ലെന്നാണ് പുറത്തുവരുന്ന വിവരം.
മണ്ഡലം പ്രതിനിധിയായ വിമൽ ഡെപ്യൂട്ടേഷനിൽ എത്തിയ ജീവനക്കാരനാണെന്നാണ് വിവരം. ഇതിന് പുറമെ ഡ്രൈവർ ഉൾപ്പെടെ മറ്റ് രണ്ട് സ്റ്റാഫ് അംഗങ്ങളെയും എംഎൽഎയ്ക്ക് സർക്കാർ അനുവദിച്ചിട്ടുണ്ട്.
ഇതോടെ പാളയം പ്രദീപ് എംഎൽഎയുടെ ഔദ്യോഗിക പേഴ്സണൽ സ്റ്റാഫിൽ ഉൾപ്പെട്ടിട്ടുണ്ടോ എന്നതുമായി ബന്ധപ്പെട്ട് പുതിയ വിവാദം ഉയർന്നിരിക്കുകയാണ്.
