പ്രതിപക്ഷ ഉപനേതൃപദവി ആവശ്യത്തിൽ ഉറച്ച് സിപിഐ. പദവി സിപിഐക്ക് അർഹതപ്പെട്ടതാണെന്ന നിലപാടിൽ മാറ്റമില്ലെന്ന് സംസ്ഥാന സെക്രട്ടറി ബിനോയ് വിശ്വം വ്യക്തമാക്കി. എൽഡിഎഫിന്റെ പ്രവർത്തനശൈലിയിൽ മാറ്റം വരുത്തേണ്ടതുണ്ടെന്നും അതിന്റെ ഭാഗമായാണ് പ്രതിപക്ഷ ഉപനേതൃപദവി ആവശ്യപ്പെട്ടതെന്നും അദ്ദേഹം പറഞ്ഞു.
എൽഡിഎഫ് യോഗം ചേരുമ്പോൾ വിഷയം മുന്നോട്ടുവയ്ക്കുമെന്നും ബിനോയ് വിശ്വം വ്യക്തമാക്കി. മുന്നണിയുടെ പ്രവർത്തന സംസ്കാരത്തിൽ മാറ്റം വരേണ്ടതുണ്ട്. പ്രതിപക്ഷ ഉപനേതൃപദവി സിപിഐക്ക് അർഹതപ്പെട്ടതാണെന്ന നിലപാടിൽ മാറ്റമില്ലെന്നും അദ്ദേഹം പറഞ്ഞു.
എൽഡിഎഫ് യോഗം എപ്പോൾ ചേർന്നാലും വിഷയം ചർച്ച ചെയ്യുമെന്നും ബിനോയ് വിശ്വം വ്യക്തമാക്കി.
അതേസമയം, സംസ്ഥാനത്ത് ജനകീയ പ്രസ്ഥാനങ്ങളെയും പ്രക്ഷോഭങ്ങളെയും അടിച്ചമർത്താൻ ശ്രമം നടക്കുകയാണെന്നും അദ്ദേഹം ആരോപിച്ചു. സംസ്ഥാനത്തെ പൊലീസ് നയം എന്താണെന്ന് മുഖ്യമന്ത്രി വ്യക്തമാക്കണമെന്നും ബിനോയ് വിശ്വം ആവശ്യപ്പെട്ടു.
