ഗതാഗതമന്ത്രി സി പി ജോണിന്റെ പരാമർശം കേരളത്തിലെ സ്ത്രീകളെ അപമാനിക്കുന്നതാണെന്നും അദ്ദേഹം മാപ്പുപറയണമെന്നും സി.പി.എം സംസ്ഥാന സെക്രട്ടറി എം വി ഗോവിന്ദൻ ആവശ്യപ്പെട്ടു.
സ്ത്രീകൾക്ക് എന്തോ ഔദാര്യം നൽകുന്നുവെന്ന പുരുഷമേധാവിത്വ സമീപനമാണ് മന്ത്രിയുടെ വാക്കുകളിൽ പ്രകടമായതെന്ന് അദ്ദേഹം പ്രസ്താവനയിൽ പറഞ്ഞു. സ്ത്രീകൾക്കുള്ള സൗജന്യ യാത്ര യു.ഡി.എഫിന്റെ തെരഞ്ഞെടുപ്പ് വാഗ്ദാനമായിരുന്നുവെന്നും അത് ജനങ്ങളുടെ നികുതിപ്പണത്തിൽ നിന്നുള്ള അവകാശമാണെന്നും അദ്ദേഹം ചൂണ്ടിക്കാട്ടി.
പദ്ധതി ഉപയോഗിക്കുന്ന സ്ത്രീകളെ അധിക്ഷേപിക്കുന്ന തരത്തിലുള്ള പരാമർശങ്ങൾ അംഗീകരിക്കാനാകില്ലെന്നും സ്ത്രീകളുടെ ആത്മാഭിമാനത്തെ മാനിക്കണമെന്നും എം വി ഗോവിന്ദൻ പറഞ്ഞു.
