കേരളത്തിൽ ശ്രീകൃഷ്ണ ജയന്തി ഘോഷയാത്രകൾ വ്യാപകമാക്കിയത് ആർഎസ്എസിന്റെ ആസൂത്രിത രാഷ്ട്രീയ പദ്ധതിയുടെ ഭാഗമായിരുന്നുവെന്ന് സി.പി.എം നേതാവ് പി. ജയരാജൻ ആരോപിച്ചു. കേരളത്തിന്റെ സാമൂഹിക-സാംസ്കാരിക പശ്ചാത്തലത്തിൽ മുമ്പ് പ്രധാനമായും ഉണ്ടായിരുന്നത് ചതയദിനാഘോഷങ്ങളായിരുന്നുവെന്നും അദ്ദേഹം പറഞ്ഞു.
പിന്നീടാണ് ശ്രീകൃഷ്ണ ജയന്തി ഘോഷയാത്രകൾ സംസ്ഥാനത്ത് വ്യാപകമായി സംഘടിപ്പിക്കപ്പെടാൻ തുടങ്ങിയത്. കുടുംബങ്ങളിലേക്കും സമൂഹത്തിന്റെ വിവിധ തലങ്ങളിലേക്കും സ്വാധീനം വ്യാപിപ്പിക്കാൻ ലക്ഷ്യമിട്ടുള്ള ആർഎസ്എസിന്റെ പദ്ധതിയുടെ ഭാഗമായാണ് ഇത് നടപ്പാക്കിയതെന്നാണ് പി. ജയരാജന്റെ ആരോപണം.
മതപരമായ ആഘോഷങ്ങളെയും സാംസ്കാരിക പരിപാടികളെയും രാഷ്ട്രീയ സ്വാധീനം വർധിപ്പിക്കുന്നതിനുള്ള ഉപാധിയായി ഉപയോഗിക്കുകയാണ് ആർഎസ്എസിന്റെ ലക്ഷ്യമെന്നും അദ്ദേഹം വിമർശിച്ചു. ഈ രാഷ്ട്രീയ പദ്ധതി ഇന്നും വിവിധ രൂപങ്ങളിൽ തുടരുകയാണെന്നും പി. ജയരാജൻ കൂട്ടിച്ചേർത്തു.
