സൗദി അറേബ്യയിലെ വിവിധ നഗരങ്ങളിലേക്കും തിരിച്ചുമുള്ള വിമാന സർവീസുകൾ ഒക്ടോബർ 17 വരെ റദ്ദാക്കി ഇൻഡിഗോ, എയർ ഇന്ത്യ, ആകാശ എയർ വിമാനക്കമ്പനികൾ. റിയാദ്, ജിദ്ദ, ദമാം, മദീന എന്നിവിടങ്ങളിലേക്കുള്ള സർവീസുകളെയാണ് തീരുമാനം ബാധിക്കുന്നത്.
എയർ ഇന്ത്യ റിയാദ്, ജിദ്ദ, ദമാം സെക്ടറുകളിലെ സർവീസുകളാണ് ഒക്ടോബർ 17 വരെ നിർത്തിവച്ചിരിക്കുന്നത്. ആകാശ എയർ റിയാദ്, ജിദ്ദ റൂട്ടുകളിലെ സർവീസുകൾ റദ്ദാക്കിയത് ഒക്ടോബർ 17 വരെ നീട്ടിയിട്ടുണ്ട്. ഇൻഡിഗോയും സൗദി അറേബ്യയിലെ വിവിധ നഗരങ്ങളിലേക്കും തിരിച്ചുമുള്ള സർവീസുകൾ റദ്ദാക്കിയിട്ടുണ്ട്.
റദ്ദാക്കിയ വിമാനങ്ങളിൽ ടിക്കറ്റ് ബുക്ക് ചെയ്ത യാത്രക്കാർക്ക് മുഴുവൻ തുകയും തിരികെ ലഭിക്കും. അല്ലെങ്കിൽ അധിക നിരക്കില്ലാതെ മറ്റൊരു ദിവസത്തേക്ക് യാത്ര മാറ്റി ബുക്ക് ചെയ്യാനുള്ള സൗകര്യവും ലഭ്യമാകും. യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് ബന്ധപ്പെട്ട വിമാനക്കമ്പനികളുടെ ഔദ്യോഗിക വെബ്സൈറ്റുകളിൽ ടിക്കറ്റ് സ്റ്റാറ്റസും സർവീസ് വിവരങ്ങളും പരിശോധിക്കണമെന്ന് അധികൃതർ അറിയിച്ചു.
